KWARTAAL 3: OMSENDSKRYWE 1

22 Julie 2016

 

Beste Ouers

 

KWARTAAL  3:       OMSENDSKRYWE 1

 

Na ‘n blaaskans van drie weke, is die skoolaktiwiteite volstoom aan die gang!  Ons glo dat u, as gesin, ook die vakansie terdeë geniet het.

 

Neem asseblief kennis van die volgende belangrike sake:

 

1. 1.    PERSONEELSAKE

• Mev. Melaine Pienaar is aangestel in ʼn aflospos in die plek van Mev. Yolandie O’Reilly wat op kraamverlof is.
• Mej. Chereze Fourie is gedurende die vakansie getroud, en heet nou Mev. Blom.

 

1. 2.    MATRIEKAFSKEID

• Ons glo dat elke matrikulant se matriekafskeid ʼn onvergeetlike aand is.  Baie sterkte aan ons matriek-ouers wat moet sorg dat al die reëlings in plek is vir hierdie groot gebeurtenis!
• Baie dankie aan elke ouer wat toegesien het dat hul matriek-kinders hierdie week elke dag by die skool was.  Dit is jammer dat waardevolle akademiese tyd opgeoffer moet word vir haar- en naelafsprake wat gedurende skooltyd gemaak word.
• Ons herinner alle matriek-ouers dat die leerders slegs een week het om hul voorkoms t.o.v. hare en naels weer in lyn met die skool se voorkoms-reȅls te kry.  Vermy asseblief konfliksituasies met die skool omdat u kind se voorkoms nie op standaard is nie.
• Ouers moet hulself asseblief ook vergewis waarnatoe hul kind na die matriekafskeid gaan en saam met wie.  Gaan laai eerder u kind self af en weer op i.p.v. om die verantwoordelikheid op iemand anders se skouers te plaas.

 

1. 3.    AFWESIGHEDE EN VOORKOMS

• Dit is kommerwekkend hoeveel kinders vir elke bakatel by die huis bly.  Moet asseblief nie toelaat dat u gemanipuleer word nie.  Hierdie kwartaal is krities t.o.v. u kind se akademie, dit is uiters belangrik dat u kind in die klas is.
• Ouers van matriekleerders moet in die besonder baie streng wees t.o.v. onnodige afwesigheid.  U kind hoort by die skool, in die klas, en nêrens anders nie!
• Waak ook teen die onnodige uitteken van leerders gedurende die skooldag.  Matrieks sal slegs met die hoof se toestemming toegelaat word om uitgeteken te word.
• Elke leerder het ‘n dagboek ontvang waarin die skoolreëls vervat is.  Gaan maak eers dubbel seker wat die vereistes t.o.v. voorkoms is voordat u u kind toelaat om sy / haar hare in ʼn vreemde styl te laat sny.  Dit is onnodig dat daar telkens konfliksituasies ontstaan a.g.v. voorkoms.
• Ouers moet hulself asseblief ook daarvan vergewis dat seuns skoon geskeer is voordat hulle soggens skool toe kom.  Dit is onaanvaarbaar dat die skool voortdurend skeermesse moet aankoop sodat ongeskeerde seuns eers moet skeer voordat hulle klas toe gaan.

 

1. 4.    SKOOLFONDS EN UITSTAANDE VERBRUIKERSFOOIE

• Báie dankie aan elke ouer wat getrou skoolfonds betaal.  Ouers besef nie altyd watter astronomiese uitgawes daar slegs op onderhoud en lopende kostes is om ʼn skool te bedryf nie.  Elke rand is broodnodig om by die skool se verpligtinge uit te kom.
• Indien u tans finansiële probleme ervaar, kom tref asseblief onverwyld reëlings met die finansiële kantoor.  Moet nie hiermee uitstel nie, u plaas uself onder onnodige spanning as gevolg daarvan.
• Daar is ook nog handboek- en verbruikersfooie uitstaande.  Maak asseblief ʼn plan om dit aan die einde van hierdie maand te vereffen.  Hierdie gelde moes al in die eerste kwartaal betaal gewees het.

 

1. 5.    OUERAAND

• Graadvoogde sal, soos in die verlede, individuele afsprake maak met ouers van leerders wat verlede kwartaal swak presteer het.
• Alle ouers moet asseblief gebruik maak van die skool se algemene oueraand op Maandag, 01 Augustus vanaf 17:00 tot 19:00 in die skoolsaal.  U het dan die geleentheid om met u kind se vakonderwysers te kom gesels oor al u kwellings.  Bring ook u kind saam, daar is geen sin in om onderwysers sonder u kind te sien nie.
• Finale vorderingsverslae word gedurende volgende week weer per      e-pos uitgestuur.  Indien u e-posadres verander het, lig die skool asseblief dadelik daaroor in deur ʼn e-pos te stuur aan ontvangs@bergvla.co.za .

 

1. 6.    FEDSAS-BEMAGTIGING

• FEDSAS (Federasie van Suid-Afrikaanse Skole) bied Donderdag, 04 Augustus ʼn bemagtigingsgeleentheid gratis aan vir alle ouers by Laerskool Laeveld om 18:00 met die tema:  Verstaan jou kind en jou kind se behoeftes.
• Dr. Johan Smith is die aanbieder van hierdie Waardegedrewe Skole-projek.
• Maak gebruik van hierdie gulde geleentheid om u kind selfs net ʼn bietjie beter te verstaan!

 

1. 7.    SPORT EN KULTUUR

• Hierdie kwartaal word daar op die seuns- en meisieskrieket, tennis, skiet, skaak, landloop  7’s rugby en 7’s hokkie gefokus.
• Baie sterkte aan al ons spanne en hul afrigters met die taai kompetisie wat voorlê.
• Aan die kultuurkant is ons leerders van volgende week af voluit by die jaarlikse Eisteddfod betrokke.  Ons glo dit gaan ook met hulle, soos in die verlede, baie goed gaan.
• Die musiekblyspel-oefeninge vir volgende jaar gaan ook eersdaags in alle erns begin.  Ouers sal volledig ingelig word t.o.v. vaste oefentye.
• Die kooroefeninge sal weer vanaf Augustus in aanvang neem.  Ons nuwe koorleier is eers van die begin van Augustus af beskikbaar.

 

1. 8.    D6 COMMUNICATOR, MAKRO- EN MY SCHOOL-KAARTE

• Indien u nog nie vir D6 Communicator geregistreer het nie, doen dit onmiddellik sodat u daagliks ingelig kan wees van wat by die skool gebeur.  Belangrike inligting word direk op Communicator geplaas.
• Indien u nog nie ʼn Makro- of My school-kaart het nie, doen aanlyn daarvoor aansoek en help die skool om ʼn ekstra paar rand te verdien, slegs deur u kaart te swaai!
• Vanaf Januarie tot en met Mei 2016 is 3 176 My School-kaarte geswaai en het die skool daarmee R4 611,00 verdien.  Dit gaan dus nie oor die bedrag waarvoor u aankoop nie, maar daaroor dat u kaart geswaai word.

 

1. 9.    COLOUR RUN

• Indien u kind belangstel om ‘n vrywillige helper by volgende Saterdag se Color Run te wees, heg ons vir u die besonderhede aan.

 

10. AANGEHEGDE INLIGTING

• Verkorte kwartaalprogram
• Mini-eksamenrooster en Rekordeksamenrooster sal volgende week beskikbaar wees.

Bergvlam-groete

MEV. A. KLEYNHANS

HOOF