KWARTAAL 1 – OMSENDSKRYWE 3

13 Februarie 2017

 

Beste Ouers

 

KWARTAAL  1  –  OMSENDSKRYWE 3

 

Neem asseblief kennis van die volgende belangrike sake:

1.    MINI-EKSAMEN KWARTAAL 1

• Vind asseblief aangeheg die mini-eksamenrooster vir Kwartaal 1.
• As gevolg van die Step Out-opvoering vanaf middel Maart, skryf die leerders twee vakke per dag.
• Die skooldag word, gedurende hierdie tydperk, soos volg ingeklee:
  • Eksamensessie 1
  • Pouse
  • Eksamensessie 2
  • Pouse
  • Wintersportoefening, sowel as Step Out-oefening
  • Leerders, wat nie aan sport of Step Out deelneem nie, bly in die klas  
  • en leer vir die volgende dag se toetse.
  • Wanneer die skool om 13:30 uitkom, is daar GEEN buitemuurse aktiwiteite nie.  Leerders kan dus sonder onderbrekings al hul aandag aan hul studies wy
  • Let wel:  op beide Vrydae is daar slegs EEN SESSIE.  Na afloop       van hierdie sessie is dit ‘n gewone skooldag.
  • Moet asseblief nie u kind onnodiglik kom uitteken gedurende           hierdie tydperk nie.
  • Indien u kind te siek is om te kom eksamen skryf, is u kind     VERPLIG om ‘n DOKTERSBRIEF in te handig.

 2.    PROGRAM VIR DIE WEEK 13 FEBRUARIE – 17 FEBRUARIE

• Vind asseblief aangeheg die program vir hierdie week.
• Vrydag, 17 Februarie is ʼn pretdag vir die hele skool, behalwe die atlete.
• Leerders, wat nie deel van die geesspan is nie, betaal R20,00 om aan die pretdag deel te neem.
• Die skool sal om 12:00 verdaag.
• Interhoȅrkaartjies:  Alle oorblywende toegangskaartjies word Woensdag, 15 Februarie teruggeneem Barberton toe.  Indien u nog nie kaartjies gekoop het nie, moet u dit dus onverwyld doen.

 3.    INTERHOȅR – SATERDAG 18 FEBRUARIE

• Busse vertrek stiptelik om 05:00.  U kind moet reeds om 04:45 in die bus sit.
• Busgeld beloop R30,00.
• U kind moet genoeg sonblok aansmeer EN saamneem.
• GééN LID VAN DIE GEESSPAN KAN SATERDAG DIE GEESSPAN IN DIE STEEK LAAT NIE!  SORG ASSEBLIEF DAT U KIND BETYDS IS.
• Die busse behoort teen 18:30 terug te wees by die skool.
• WEES ASSEBLIEF BETYDS OM U KIND TE KOM OPLAAI! 
  • Dit is in die eerste plek onregverdig teenoor u kind om te verwag dat u kind, na ‘n baie lang dag, moet sit en wag terwyl die oorgrote meerderheid huis toe gaan.
  • In die tweede plek is dit uiters onbillik om van die onderwysers te verwag om u kind op te pas totdat u besluit om u kind te kom oplaai.  Die afgelope paar Saterdae moes die toesigpersoneel vir meer as ‘n uur wag voordat sekere ouers hulself verwerdig het om hul kind/ers te kom oplaai!
  • Baie dankie aan elke ouer wat elke keer betyds hul kind/ers kom oplaai.  Die personeel het groot waardering daarvoor!

 

Bergvlam-groete

 

ANNEMARIÉ KLEYNHANS

HOOF