2017 KWARTAAL 1: OMSENDSKRYWE 5

24 Maart 2017

Beste Ouers

KWARTAAL 1: OMSENDSKRYWE 5

 Neem asseblief kennis van die volgende belangrike sake:

1.    REȅLINGS  –  DINSDAG, 28 MAART 2017

• As gevolg van ‘n onderwysersopleidingsessie op Dinsdag, 28 Maart sal die skool om 12:40 uitkom, aangesien die opleiding reeds om 13:00 begin.
• Let wel:  leerders pak volgens hul rooster vir Dag 6, geen periodes sal wegval nie.

2.    VRAESTEL 3  –  TALE

• U word daaraan herinner dat die leerders beide tale se Vraestel 3 van die Junie-eksamen volgende Donderdag en Vrydag skryf:
  • Donderdag, 30 Maart:   Engels Huistaal en Eerste Addisionele Taal.
    • Leerders volg hul gewone rooster na die eksamensessie.
    • Vrydag, 31 Maart:   Afrikaans Huistaal en Eerste Addisionele Taal
    • Leerders het slegs ‘n eksamensessie.  Die skool sluit vir die eerste kwartaal om 11:30.
    • LET WEL:  hierdie is twee eksamensessies.  U kind is dus verplig om by die skool te wees.  Indien u kind afwesig is, MOET u ‘n doktersertifikaat by die skool inhandig.
    • GEEN alternatiewe reȅlings kan vir u kind getref word omdat u vroeȅr met vakansie wil gaan nie.

 3.    KWARTAAL 1  –  VORDERINGSVERSLAE

• Vorderingsverslae word op Vrydag, 31 Maart aan u ge-epos.
• Maak asseblief seker dat die skool u korrekte e-posadres het.
• Indien u nie oor ‘n e-posadres beskik nie, moet u op skrif ‘n uitdruk van u kind se verslag aanvra.  Hierdie versoeke moet reeds op Woensdag, 29 Maart by Mev. Antoinette Kuperus ingehandig word.  U kind kan dit dan op Vrydag, 31 Maart om 11:30 by Ontvangs afhaal.

1. 4.    AFRIGTINGSKLINIEKE

• Gedurende die vakansie woon die eerste rugbyspan, eerste seunshokkiespan en die dogtershokkiespanne afrigtingsklinieke by.
• Let asseblief daarop dat u kind nie op die bus kan klim indien die volledige verskuldigde bedrag nie by die skool inbetaal is nie.  Die skool kan onder geen omstandighede die onkoste dra nie.
• Ons wens hierdie spanne ‘n veilige reis en ‘n uiters leersame afrigtingskliniek toe!

 

1. 5.    BETALING VAN SKOOLFONDS

• Baie dankie aan al die ouers wat getrou hul skoolfonds betaal!
• Indien u agterstallig geraak het, of tans finansiȅle probleme ondervind, moet u onverwyld met die finansiȅle kantoor in verbinding tree.

 

1. 6.    GRATIS LEES-APPS

Vind aangehg inligting om twee gratis lees-apps vir u kind af te laai.  U kan dit tot groot voordeel vir u kind/ers aanwend.

Bάie dankie aan al ons ouers wat deur die loop van hierdie uiters besige kwartaal hul kinders getrou ondersteun het!  Die skool het groot waardering daarvoor.

Ons wens u en u gesin ‘n welverdiende rustyd en ‘n heerlike vakansie toe!

Bergvlam-groete

Annemarié Kleynhans

Hoof